ක්‍රිකට් තරඟාවලියේ අනුශුරතාවය මධ්‍යම සංස්කෘතික අරමුදලට
බුද්ධශාසන ආගමික හා සංස්කෘතික කටයුතු අමාත්‍යංශයට අනුබද්ධිත සියලුම ආයතන සමඟ සංවිධානය කරන ලද සුහද ක්‍රිකට් තරඟාවලිය පසුගිය සෙනසුරාදා දින (10) බුද්ධශාසන ආගමික හා සංස්කෘතික කටයුතු අමාත්‍ය ගරු විදුර වික්‍රමනායක මහතාගේ ප්‍රධානත්වයෙන් කොළඹ ශාලිකා ක්‍රීඩාංගණයේදී පැවැත්විණි.
මෙම සුහද ක්‍රිකට් තරඟාවලිය ගරු අමාත්‍යතුමාගේ අදහසක් මත බුද්ධශාසන අමාත්‍යංශය සහ ඊට අනුබද්ධ ආයතනවල සාමාජික සාමාජිකාවන්ගේ සුහදතාවය වර්ධනය කිරීමේ අරමුණින් මෙන්ම කාර්යාලවල නිරතුරුවම සේවය කරන නිලධාරීන්ට විනෝදාස්වාදයක් ලබාදීමේ අරමුණින් සංවිධානය කෙරිණි.
ඒ අනුව තරඟාවලියේ ශූරතාවය ජාතික ලේඛනාරක්ෂක දෙපාර්තමේන්තු කණ්ඩායම දිනා ගත් අතර අනු ශූරතාවය මධ්‍යම සංස්කෘතික අරමුදල කණ්ඩායම දිනා ගැනිණි.
ඊට සමගාමීව සංගීත සංදර්ශනයක් ද සංවිධානය කර තිබුණි.
අමාත්‍යංශ ලේකම් සෝමරත්න විදානපතිරණ, මධ්‍යම සංස්කෘතික අරමුදලේ අධ්‍යක්ෂ ජනරාල් මහාචාර්ය ගාමිණී රණසිංහ, අමාත්‍යංශ අතිරේක ලේකම්වරුන් ඇතුළු බුද්ධශාසන ආගමික හා සංස්කෘතික අමාත්‍යංශයට අනුබද්ධිත සියලුම අයතනවල නිලධාරි මහත්ම මහත්මිහු රැසක් ඔවුන්ගේ පවුලේ සාමාජිකයින් ද සමඟින් මෙම අවස්ථාවට සහභාගී වූහ.
